Bongbong Marcos was watching ‘Ant Man’ when he decided to run for president, says wife

MANILA, Philippines — Nanonood ng pelikulang “Ant-Man” ang kandidato sa pagkapangulo at dating senador na si Ferdinand “Bongbong” Marcos Jr.

Ibinunyag ito ni Liza Araneta-Marcos, ang asawa ng dating senador, sa panayam ng TV personality na si Boy Abunda para sa isang vlog na kanyang ipinost.

“You know, six months ago, he wasn’t yet sure what to do, he had no party. And then one day, we were watching ‘Ant-Man’ in the room, because we love Marvel movies, and then he looked at me and he goes, ‘Okay, we’re gonna do this,’ he told me,” ayon kay Liza.

Nang marinig ang desisyon ni Marcos, sinabi ni Liza na nakaramdam siya ng kaba.

Nang tanungin kung pinanghinaan niya ng loob ang kanyang asawa na humarap sa pagkapangulo, sinabi ni Liza: “It’s his decision. I didn’t encourage, but I didn’t discourage.”

Si Bongbong ay tumatakbo sa pagkapangulo kasama ang kanyang running mate, vice presidential candidate at Davao City Mayor Inday Sara Duterte-Carpio.

Si Marcos ay anak ng dating pangulong Ferdinand Marcos Sr. na napatalsik noong 1986.